Meslehetci olaraq, üzvü olduğumuz İş Adamları Cəmiyyətinin Milli Assosiasiyası - İCMA biznes mühitində yeni əməkdaşlıq imkanlarının yaradılması istiqamətində fəaliyyətini davam etdirir.
İCMA ilə Azərbaycan Gömrük Təmsilçiliyi və Logistika Şirkətlərinin Assosiasiyası - AGTL arasında əməkdaşlıq memorandumu imzalanıb.
Memorandum logistika, gömrük təmsilçiliyi və təchizat zənciri sahələrində fəaliyyət göstərən sahibkarlar arasında əlaqələrin gücləndirilməsini, təcrübə və bilik mübadiləsinin təşviqini, eləcə də yeni əməkdaşlıq imkanlarının yaradılmasını nəzərdə tutur.
Meslehetci olaraq biznes icmasının inkişafına, sahibkarlar arasında peşəkar əlaqələrin genişlənməsinə və yeni tərəfdaşlıqların formalaşmasına xidmət edən belə təşəbbüsləri dəyərli hesab edirik.
İCMA üzvlüyümüz çərçivəsində biznes mühitində əməkdaşlığın və qarşılıqlı təcrübə mübadiləsinin inkişafını yaxından izləməyə və bu ekosistemin fəal iştirakçısı olmağa davam edirik.
